Ger Kurd mafên xwe yên neteweyî bidest nexînin wê ji planên kûr ya dijminan û êrîşan rizgar nebin!

KURDISTAN

lêgerîn >>

têkîlî >>

kunye >>

(AMED)

kurdistannetew.net > Nûçe > Kurdistan

Ger Kurd mafên xwe yên neteweyî bidest nexînin wê ji planên kûr ya dijminan û êrîşan rizgar nebin!

BERHEVKIRÎ-SERHAD B.RÊNAS/HESEN DILGEŞ

Weşandin: 14 Îlon 2006

Li Amedê dijminên Kurdan dîsa xwîna Kurdan rijandin.11 Kurd heft jê zarok şehîd bûn.

Di teqînê de Rojhilat Aslanê 29 salî, Ezgî Yetîşecek a yek salî, Abdullah Çetinkaya û ji malbata Demir a Ferqînî dayîk Vahîde keçên wê Evîn, Zîlan, Şîlan û Mizgîn jiyana xwe ji dest dan.

Bi hezaran kes li Amedê derketin kolanan û êrîşê protesto kirin.Li gellek kollanan agir hate vexistin.Gel xwest ku meş pêk bînin lê polîsên Tirk nêhiştin.Li hin deveran de jî di navbera hêzên Tirk û çalakvanên Kurd de şer derket.

Li gellek avahîyan de bo şermezar kirina terora Tirkan alên reş hate daliqandin.

Civaka Tirk wekî her demê dîsa wek bûyereke terorê şîrove dikin.Jixwe ev çavgirtîne.Jixwe bi tu avayî netew bûna Kurdan nafikirin,mafên rewa ya gelê Kurd nahesibînin.Mêjîyên wan hatine şûştin.Xwedî berdarazîyek tund in.Rastîyan pirsyarî nakin.

Kurd navnîşanê êrîşkaran dizanin

Piştî êrîşê li gor pêşveçûnên dawî Kurd nava xwe navnîşanê êrîşkaran texmîn dikin û ev navnîşan jî bê gûman dijberên Kurdan û hêzên tarî yên di nava dewleta Tirk de ye.

Bûyerên Şemzînanê,konsepta dawî û daxûyanîyên dawî ya serfermandarê nû ya arteşa Tirk jî texmînên Kurdan bihêztir dike.Tiştê balkeş jî ewe ku teqîn di salvegera 26'emîn ya darbeya leşkerîya dewleta Tirk ku bûbû sedema mirin,wenda bûn û eşkence kirina bi sedhezaran Kurdên bakûrê Kurdistanê de pêk hat.

Grûbekî bi navê TÎT(Tugayên Tolhildanê Tirk-Türk İntikam Tugayları) êrîş girte ser xwe.Têkîlîya TÎTê bi rasterast bi dewleta Tirk re heye bi taybetî çeteyên artşea Tirk ve. Armancekî din jî li bakûrê Kurdistanê ji nû zêdekirina zordstîyê û anîna OHALê jî ye.Li pişt vê êrîşê heman derdorên tawanbar ku li Şemzînanê û li hêmû Kurdistanê terorê li dijî gelê Kurd pêk tînin hene.

Dîyare ku Tirk dê dev ji dijminatîyê xwe ber nedin.

Niha li Amedê wekî tol girtina Şemzînan û bûyerên meha adarê ya Amêdê û hêzên tarî ya dewleta Tirk ser karê ne.

Her êrîş, her teqîn tehdîdeke ser hebûna Kurd û Kurdistanê.Her wiha asteng kirina jiyanake aram û pêşketî bo Kurdan e.

Jixwe Kurd bi temamî ji pêşketin û ji qebûl kirinê tên mehrum kirin.Ji ber ku dewleta Tirk ser esasê Tirk bûnê hatîye avakirin û 80 sale jî tiştek ji vê rastîya xwe jî winda nekirîye.Li Tirkîye herêmen herî paşdamayî herêma Kurdistanê ye.Kurd bi temamî dev ji doza netewî berdin jî wê pêşketina herêmên Kurdan her tim were asteng kirin.Ji ber ku tirsa perçe bûn tu carî jî ji nav dilên wan grubên rêveberîya Tirkan dernakeve.

Kurd divê li şûna tenê protesto kirinê divê êdî dest îcraatê bikin.Midexeleyî rexistinên ku bi xwîna hezaran Kurd bi hêz bûnê bikin.Pêşketinana baş binirxînin.Bawerîyên xwe bi medyaya Tirkan û hwd. neynin.Xwedî derketina Kurdeyatîyê di her waran de wekî "paşdamayînek" nebînin.Bila bizanibin ku niha hemû dewletên pêşketîyên Cîhanê ser esasê parastin,pêşxistin û nasandina taybetmendîyên neteweyî û dîrokî hatine avakirin.Kanûnê sirûştê eve.Pêşketina vî milletê pêşketina vî gelî ye.Pêywendîya nav mirovan ser vî esasîyê.

Belkî hin îstîsnayên vê yekê hebin jî,ji ber vê kanûna sirûştê ne mimkune ku Kudek bi qebûl krina Tirk bûyînê an jî "aştî" an jî "biratî" ye ke maneyê wî valarî re pêşketin,dewlemendî an jî bextewerîyek mayînde bidest bixînin.

Bi destxistina mafên neteweyî ya gelê Kurd li alîyêkî, ne mimkune ku Kurd beyî dewletek serbixwe ya Kurdistanê jiyanake pêşketî di warê ekonomîyê,jiyaneke bi ewle û xwedî strandartên bilind,xizmetên baş ya tenduristî,perwerde,jîngeh,delfetên sosyal û hwd. nikarin bi dest bixwînin.

Her netew encax xwe bi xwe dikare bi rêvebibe ser esasê aîdîyet û taybetmnedîyên xwe yên dîrokî.Ger wisa nebe wê nifşên xirab,kêm,derûnî xirab,tewş,bêparseng, bêhavil û bêhilberîn derkevin holê.Ku niha li Kurdistanê di nifşên nû de hemû wan kêşeyên girîng tê dîtin.

Kurd êdî şûna "piştgrî dayînê" an jî "fîgûran" bûyînê divê kontrolê bidestbixin û pêvajoyê bi xwe dîyar bikin.Her Kurdek bi ser xwe û hemû Kurd bi hev re.

Ger gelê Kurd li bakûr negihêje statuyeke xweser û gelê Kurd mafên xwe yên neteweyî bi dest nexînine xuyaye Kurd ji teqîn,êrîş û planên derûdorên berjewendîxwaz rizgar nebin.