Tirkîye Beramberî Ecibandina Rastîya Kurdistanê di Qada Navneteweyî de Neçare

KURDISTAN

lêgerîn >>

têkîlî >>

kunye >>

(AMED)

kurdistannetew.net > Nûçe > Kurdistan

Tirkîye Beramberî Ecibandina Rastîya Kurdistanê di Qada Navneteweyî de Neçare

HAWARDENGÛBAS

Weşandin: 12 Kewçêr 2006

Ji ser hevdîtina Condoliza Rice û serokê Kurdistanê Mesûd Barzanî çend roj derbas bûn,lê li Tirkîye hevdîtina dawî û bi giştî têkîlîya Kurdan û Emerîka tê nîqaş kirin.

Heta niha di planên Tirkan yê tune kirina hebûna Kurdan de rêbeza bingehîn ya Dewleta Tirk înkar kirina hebûna neteweya Kurd bû.

Dewleta Tirk bi salan têkoşîna xweli dijî Kurdan bi vî avahî meşand.Ji bo Tirkîye encama herî xirab bidestxistina Kurdan ya nasnameyeke polîtîk di qada navneteweyî de bû.

Çi bi riya hêzên xwe çi bi riya bikaranîna "hin" Kurdan terorîze kirina navê Kurdan de heta radeyek serkeftî bûn.

Lê belê konjoktura Cîhanê ya salên dawî ku berjewndîyên DYE û Kurdan ketin heman riyê û bi giştî xebatên tevgera rizgarîxwaz ya Kurdistanî ji Cîhanê re vebûna derîyên Kurdistanê pêk anî.

Heta niha Yekîtîya Ewrûpa û gellek hêzên Cîhanî beramberî rastîya Kurd û Kurdistanê bêdeng man.Bêgûman yek ji sedema vê yekê lawazîya xebatên Kurdan bû.Lê bi taybetî di mehên dawî de di helwesta wan hêzan kêm be jî guhertinên girîng rû dide.

Helwesta YE Hinek Diguhere

YE Ewrûpa di mehen dawî ser hev derbarê rewşa Kurda de raporan amade dike,biryaran verdigre û hwd.Bi taybetî di du raporên dawî de ser "netew bûn" û "bê dewlet" bûna Kurdan hate balkişandin.

Nûçeya wan raporan di medyaya Tirkî de gellek deng veda û hate nirxandin.Raporên bi vî rengî dibe sedema guherîna hin qalibên ser mêjîyan û di dema dirêj de bandorên wan ên psîkolojîk heye.

Bi taybetî civakeke wek Tirkan ku hin jî piranîya wan rastîya hebûna gelê Kurd qebûl nakin.Her wiha ji alîyê DYE ve jî hin pêşketinên bi vî rengî derket holê.Nexşeya ku di kovareke Emerîkî de hatibû weşandin û di vî nexşeyê de Kurdistaneke mezin û serbixwe hebû û hin jî di nava raya giştî ya Tirk de tê nîqaş kirin.

Weşandina rapor,daxûyanî,dokuman, nûçeyên bi vî rengî alîkarîya darîçav kirina hedefên nîhayî ya neteweya Kurd dikin..

Nayê wê wateya ku DYE an jî YE ji nişka ve Kurdan hez kirin.Bê gûman ev guhertin di çerçoveya gûherîna berjewendîyên wan hêzan de pêk tê.Lê divê Kurd di çerçoveya berjewndîyên hevbeş de wan firsendan bikarbînin.

Dewleta Tirk li beramberî hemû hêza xwe ya leşkerî,medyayê xwe ya mezin,bi aborîya xwe,bi tecribeya xwe dûrûdirêj ya dewletî,bi avantaja dewlet bûnê dîsa jî nikare wan pêşketinên konjokturel ku di leha Kurdan de ye nikare asteng bike.

Dewleta tirk di wan rojan him bi wan pêşketinana him jî biryarên derbarê komkujîya Eremenîyan de di tengasîyê de ye.

Divê Kurd vê yekê baş bihelsengînin.Di serî de Kurdên bakûr û bi giştî hemû gelê Kurd... (HAWARDENGÛBAS)