Ji Bo Seddamê Dîktator û Sembola Zilmên Hember Kurdan Cezaya Darvekirinê

KURDISTAN

lêgerîn >>

têkîlî >>

kunye >>

(AMED)

kurdistannetew.net > Nûçe > Kurdistan

Ji Bo Seddamê Dîktator û Sembola Zilmên Hember Kurdan Cezaya Darvekirinê

REBIWAR KURDO

Weşandin: 16 Sermawez,2006

Kujdara bi sedhezaran Kurd û dîktatora berê ya Iraqê Seddam Hûseyîn di mehkema ya li Bexdayê de bi cezayê îdamê hat cezakirin.Saddam di mehkema îro da ji bo kuştina 148 şîayên ereb ku di sala 1980î de hatibun kuştin hat cezakirin. Saddam bi cezayê îdamê û 7 hevalbend û karmendê partîya Baas yên bere bi cezayên cuda cuda hatin cezakirin.

Piştî biryarê, serok wezîrê Iraqê Nûrî El-Malikî gotareka televizyonî pêşkeş kir got ev hukime ne bi tenê li ser Seddamî ye, lê liser temama demê desthelata tarî yê wî ye.

Saddam cezayê îdamê; Cîgirê wî Taha Yasîn Ramazan heyanî dawîya jiyana xwe bi cezayê zîndanê û sê berpirsê partîya baas bi 15 sal ceza hatin cezakirin.

Dîsa di mehkeme de berpirsê baas yê herêmî Azzam El Alî jiber begunehîyê ji alîyê mehkeme ve hat azadkirin. Biryarên îro yên mehkeme di derbarî buyera êrîşa gundekî şîa û kuştina 148 kesan hat dayîn.

CHAK bila Seddam berîya encamdana doza Enfalê neye îdam kirin

Navenda CHAK ku lêkolîn û hewlên çareserîyê kêşeyên Kurdên ku di komkujîya Enfalê mexdûr bûne dike û bo

Kurdan di qada navneteweyî de dîplomasîyê pêk tîne,ser biryarê daxûyenîyek belav kir û di daxûyanîyê de hate gotin ku:"Seddam berî ku dadgeha Enfalê bidawÎ nebe de neyê îdamkirin.Her wiha CHAK wê yekê rexne kir ku dadgeha tawana Duceylê kete pêşiya tawana Anfalê.

Kemal Kerkûkî:"Ger dadperwerî hebe divê Seddam bê sêdaredan"

Cigirê serokê encûmena Kurdistanê Dr. Kemal Kerkûkî ragihand ku heger dadperwerî hebe gerek Seddam bê sêdaredan.

Dr. Kemal Kerkûkî di daxûyanîya xwe de weha got:"Ew diktatorê ku Iraqê û çend dewletên dora Iraqê jî xapûr (xerab) kir û heta jê hat Kurd, Turkman û Ereb kujt, divê çi çarenivîsek jê re hebe?.. di bawerîya min de gerek bihê sêdaredan.. sêdaredana Seddam dê bihêle ku karên terorane kêm bibin.. ew bawerî li nik hinek Iraqîyan maye ku dê Seddam vegere û dîsan desthilatdarîyê bike, belê heger bihê sêdaredan dê dilhêsayî bibin ku vegera Seddam ticar nabe.

Xwepêşandanên kêfxweşîyê

Piştî ragihandina biryara sêdare kirinê Seddam Hûsên, gelê Iraqê û Kurdistana azad xwepêşandanên kêfxweşîyê li dar xistin.Kurdên bajêrê Kerkukê ser şeqama bo derbirîna xweşhalîya xwe derketin kolanan.

Daxûyanîyên derbarê biryarê de

Derbarê biryara Îdam kirina Seddam de serokkomarê Iraqê û serokê Yekîtî Niştimanî Kurdistan Celal talabanî got "di biryarê de nehaqî nîne û biryarek di cîh de ye" Rayederên emerÎkÎ kêyxweşîyên xwe anîn ziman.

Malbatên Şehîdan;Êdî sebra me qedîya

Malbatên şehîdên enfal û kîmyabaranên û cemawerê Kurdistanê jî bo Sedam Hûseyîn cezaya herî giran dixwazin.Ji ber ku Seddam bi sedhezaran Kurd zarok,jin,kal û pîr,mêr û ciwan tevde bi çekên kîmyewî qetl kir.

Gelek wan qetlîaman ji alîye raya giştî ya Cîhanê ve nehate dîtin.Lê yekem car komkûjîya Helebce bi dîmanên vidoye hat tomar kirin û hemû Cîhan wehşeta li Kurdistanê agahdar bû.

Sedam bû sedem ku nifşekî ji holê rabe.Her wiha ji alîyê rejîma Iraqê ve dewlemendîyên siruşta Kurdistanê hat talan kirin aborîya Kurdistan ji bingehê ve hat rûxandin.Ji ber qeliam û zordestiyên Seddam Kurdistan bi dehan salê xwe winda kir û ji pêşketin û dewlemnd bûyîne bêpar ma.

Piştî avabûna Dewleta Federe ya Kurdistan di sala 1993an de û piştî sala 2003ê bihêzbûna Kurdan di rêveberîya Iraqê de dîrok xwe dûbare nekir û Kurd nêzî mafê xwe yê çarenûsî ango Serbixwebûyînê bûn.

Lê cemawerê Kurdistanê û malbatên bi sedhezaran şehîdên Kurd wan rojan ji bîr nekirin û bo rûmetên xwe yên neteweyî dixwazin zordestîya bidehan salan di şexsa Seddamê dîktator de bi sizaya herî giran bersiva xwe bibîne.