Li Diyarbekîrê Hewlên Şovenên Tirk Bo Xapandina Kurdan Zêde Dibe - Kurdistan

KURDISTAN

lêgerîn >>

têkîlî >>

kunye >>

(AMED)

kurdistannetew.net > Nûçe > Kurdistan

Li Diyarbekîrê Hewlên Şovenên Tirk Bo Xapandina Kurdan Zêde Dibe

NÛÇE-ŞÎROVE;REBIWAR KURDO / AMED / HAWAR DENGÛBAS

Weşandin: 01 Adar,2007

AMED -- Li bakûrê Kurdistanê piştî sazîyên dewleta Tirk û medyaya Tirkî lingên herî bibandor ya asîmîle kirina û tune kirina hebûna Kurdan rexistinên sîyasî û sivîl yên Tirkan e.

Li bakûrê Kurdistanê piştî Fettulahçîyan(Cemaata Fettulah Gulen) hêza herî xeter ya dijî Kurdan MHP (partîya tevgera nijadperestên tirk) e.

MHP piştî bajarên wek Erzirom,Erzingan,Ixdir,Sêwas,Meletî,Elezîz û çend bajarên din ku hatine asîmîle kirin û kirin e navênda faşîzma Tirk, niha dixwazin navenda hemû Kurdên Cîhanê û sembola hebûna Kurdan Diyarbekîrê bixin heman rewşê..

Di demên dawî de MHP li Amedê xebatên xwe yên bo xapandina Kurdan zêdetir dike

LiMHP heta berîya 10 salan nikarî bûn ku li Amedê şaxeke partîyên xwe vekin.Gele Amedê destûrê nedida ku MHP li Amedê bihêz be.Lê niha MHP li Amedê polîtîkayên xwe yên ser esasê tune kirina hebûna Kurdan bi eşkereyî dimeşîne.

MHP bi taybetî bi pêkanîna endamtîyan bo MHP qada xebatên xwe berfirehtir dikin.Serokê şaxa MHP Abdullah Arzakçi ye.Abdullah Arzakçi li Amedê kesekî naskirîye û xwdÎ şîrketeke înşaatê ye jî.Tiştê herî balkeş jî ewe ku Abdullah Arzakçî hê jî baş nikare zimanê tirkî biaxife.MHp xebatên xwe yên li Amedê bi malpereke jî didin nasandin.(mhpdiyarbakir.com)

Bi taybetî jî xwendekarên zaningehan ku ji dervaey Amedê ji hêla bajarên tirkan hatine birexistin dikin û piştre jî bi riya wan xwendekaran xwendekarên Kurd yên saf/hişsivik û kêmxwende/kêmkultur digrin bin bandorên xwe.

Li tevahîya Kurdistana bakûr ligên wana herî girîng ya birexistin bûyîn û bi bandor bûyînê Komaleyên Ulkucîyan(Ulkucu navê nijadperestên MHP yî ye) e.

Her wiha MHP û faşîstên Tirk li Amedê di çend mehên dawî de bo xapandina Kurdan kafe,kafeya înternetê, xwaringeh,komaleyên çandî,komaleyên sporê û cihên bi vî rengî vedikin û di wan cîhnde bi mûzîka ku tê lêxistin,wêne û posterên ku diwarên wan cihan tê daliqandin û bi gelek sembolên din dixwazin hêst û ramanên ciwanên kurd bigûherînin,bixapînin û bi tevahî ji Kurd bûnê dûr bixin.

Her çiqas Kurdan di gelek xwepêşandanden de avahîya MHPyê bi keviran da ne ber êrîşan jî êdî li dijî MHP nerazîbûn ne girseyî ye. MHP êdî bi rihetî karên xwe dimeşîne.Her wiha partîyeke din ya faşîstên tirk bi navê BBP(Buyuk birlik Partisî/Partîya Yekîtîya Mezin) jî amadekarîyên xwe bo birexistin bûyîna li Amedê dike.

Ji xeynî xwendekaran bi taybetî gûndîyên ku xwedî zîhnîyeta paşverû ne û zû tên xwepandin bo hin berjewendîyên biçûk ku di mseleyên cerdeavnî û cahşitîyêde jî bi heman rengî tevdigrin û tevlî MHPyê dibin.

MHP li Amedê di serî navçeyên wek Çunguş,Çermîk,Bismîl,Erxenî û hemû navçeyên din yên Amedê de birexistin bûye..

MHP çawa ciwanên Kurdan dixapîne û hebûna Kurdan tune dike?

MHP û partîyên berîyê MHP ku xwedî heman îdolojîyê bûne di nava 30-40 salên dawîn de di hemû êrîşkarî,qetlîam,sûîkast, revandin,êşkence, û hemû hewlên dijî Kurdan de MHP li gel dewleta tirk de tevgerîyaye û heta gelek kiryaran jî bixwe pêkanîye.Dewleta Tirk ya veşartî bo tunekirina kurdan her tim jî piştgrîyê daye MHP.

MHP ji êrîşkirina ser kurdan heta aloztir kirin û têkdana rewşa Kurdistana azad di nava hewldanê de ye.

Polîtîkayên dijî Kurdan bo tune kirina hebûna Kurd herî pêşî bajarên wek Erzirom,Erzingan,Sêwas,Ixdır,Meletî,Elezîz û çend bajarên din de hatin meşandin.Di wan bajaran de MHP û rexistinên sivîl yên di xeza MHP de û rexistinên yê MHP wek Ulku Ocaklarî(Ocaxên/Komaleyên ulkucîyan) di wan bajaran de birexistin bûn û belav bûn.

Niha di wan bajaran de Kurd bûn li alîyekî ciwaneke Kurd di zanîngehê de nikare bi dayika xwe re bi Kurdî biaxife.Di zaningehan de faşîstên MHPyî bi lêdan û lînç kirinê ser xwendekarên Kurd terorê dimeşînin.Li pişt wan êrîşan rexsitinên faşîst wek MHP cîh dgirin û polîs,dewlet û rêveberîyên zaningehan rê li ber wan êrîşan vedikin.

MHP bi rexistinên han bi taybetî ciwanên Kurd yên bi pirsgirêk ku nikarin xwe di nava civakê de bi cîh bikin û kesayetîyên lawaz û bêîrade digrin bin kontrolên xwe.Ciwanên ku diçin nava wan rexistinan xwe "bihêztir" dibînin û xwe qaşo ji "tenê bûnê" xelas dikin.

MHP heta salên dawî hebûna Kurdan bi temamî înkar dikir lê di salên dawî de navê "Kurd" qebûl dikin lê wekî perçeyeke ji gelê Tirk dihesibînin û wek Fettulahçîyan ji bi sloganên "em hemû biranin",Cewazî di navbera Tirk û Kurdan da tuneye",Bo Cûdaxwazîyê tu sedem nîne","Kurd cudaxwazîyê naxwazin,"em hemû ji milletê Tirk in","tu carî cudahîyek nehatÎye xistin navbera Kurd û tirkan","Kurd girêdahî ala û dewleta Tirkin,tenê hêzên derve hinekan fît dikin û cûdaxaz derketine holê".Bi peyamên hezkirinê ku peşketina hişmendîya millîya Kurdan asteng bikin û bewate nîşan bidin û di vê navberê de jî Tirkperezîyê li hemû Cîhanê belav dikin.

Li gor wan Kurdî ne zimaneke lê lehçeyeke zimanê Tirkî ye.Kurd jî li gorî zîhnîyeta wan ne neteweyeke.

MHPyî bi salan e bi zîhnîyeta "serdema keviran" êrîşî Kurdan dikin,êrîşî axaftina zimanê kurdî dikin,êrîşî guhdarî kirina mûzîka Kurdî dikin ,êrîşî her rastîyeke yê Kurdan dikin.Her wiha ne tenê xwendekar,mamosteyên li zaningehan jî bi heman zîhnîyetê tevdigerin.

Di zaningehan de faşîstan bi lêdan û lînç kirinê ser xwendekarên Kurd terorê dimeşînin.Li pişt wan êrîşan rexsitinên faşîst wek MHP cîh digrin û polîs,dewlet û rêveberîyên zaningehan rê li ber wan êrîşan vedikin.

Çareserî çiye?

Di pêkhatina vê rewşê de bêgûman bê berpirsyarîya herî mezin ya Kurdan e.Ji bo ku Diyarbekîr nebe wek Erzirom an jî Meletî divê rexistinên Kurdan ,Medyaya Kurdî û dezgêh û komaleyên Kurd hin zêdetir ser vê mesleyê bisekinin.

Bo serneketina MHP'yîyan li Amedê çareserî dîsa rêbazên MHP yê ye.Yanî birexistin bûyîn e.

Ger li Amedê rexistin,komale,dezgehên perwerdeyî û sazîyên Kurdan çiqas zêde be û wan rexistin,komale û sazî bi gel re bikevin dîyalogekî xurt û medyaya Kurdî jî di nava wan gel û wan rexistinan de navbenkarîyek baş pêk bînê dê bi avayekî xwezayî hewldanên MHP û yên wek MHP bêne pûç kirin.

Divê rexistinên polîtîk yên Kurdan jî bi civîn,daxûyanî, kampanya, avakirina komîteyên piştgirî û enformasyonê û bi hewldanên din kiryarên MHP û rexistinên wek MHP zêdetir eşkere bikin..