Ji Bo Kerkûkê Xebatên Hevbeş û Xûrtir Pêwîste - Kurdistan

KURDISTAN

lêgerîn >>

têkîlî >>

kunye >>

(AMED)

kurdistannetew.net > Nûçe > Kurdistan

Ji Bo Kerkûkê Xebatên Hevbeş û Xûrtir Pêwîste

NÛÇE-ŞÎROVE:KURDISTAN-NETEW

Weşandin: 01 Adar,2007

Helwesta Kurdên Bakûrê Kurdistanê derbarê Kurkûkê de zelaltir dibe.Daxûyanîyên dawî ya DTP'yîyan û partîyên HAK-PAR û KADEPê ser zemînê sîyeseta legal jî nîşaneke vê yekê ye.

Di mehên dawî de di medyaya Tirkan de de behsa êrîşkirina ser xaka Kurdistana azad an jî bi riyên din asteng kirina referandûma Kerkûkê û serketina Kurdan têne kirin.

Dewleta Tirk bi çavtirsandina bi hin mesleyên aborî ya grubên medyaya Tirkî wek Gruba Dogan û Gruba Cîner jî di dijminkarî û êrîşkarîya beramberî Kurdan de piştgirîya medyayê jî kişandin li gel xwe.

AKP dilîze

Li gor hin şîroveyan dewleta Tirk amadekarîya hin kirdarî û ambargoyên ser Kurdistana azad dikin û li gor hin şîroveyan jî hikumeta AKP tenê bo vergirtina dengên nijadperestî di hilbijartinên 2007'an a li Tirkîye de hewlsteke wisa nîşan dide. di her dû rewşê de jî eşkereye ku Tirk dixwazin ser xaka Kurdistana azad an jî bi riyên din referandûma Kerkûkê û serketina Kurdan asteng bikin.

CHP di mesleeya Kerkûkê de piştgirî da AKP'yê

Serokê CHP'ê Denîz Baykal piştgirî da hukûmetê ji bo operasyoneke eskerî li hemberî Başûrê Kurdistanê lidar bixe.

Baykal da xuyakirin, ku ewê daxwazên xwe yên hevdîtina giştî ya li ser vê mijarê, pêşkêşî Meclîsê bike.

Serokwezîrê Tirkiyê Tayyîp Erdogan, ku ji ber Kurdbûna Serokkomarê Iraqê Celal Talabanî, bi awayekî fermî nêzî wî nabe, bi nûnerên komên sunnî re hevdîtineke nû lidar xist.

Fîtnekarê Mezin; Parlementerê AKP Turhan Çomez

Parlemena Tirk Çomez ku meha rêzbarê ya 2006an de li Kerkûkê li meclîsa şaredarîyê beyî ku fedî bike li dervey Tirkîye midexeleyî nexşeya Kurdistanê kiribû dîsa bi hêstên xwe yên dijminahî derket ser dîkê.Çomez daxûyakir ku bo pêşî girtina referanduma Kerkûkê divê dewleta Tirk di zûtirîn dem de midaxeleyî Kurdan bike.

Çomez her wiha dîyar kir ku divê meclîsa Tirk bo vê mijarê danîşînek girtî saz bike.Her wiha Çomez pênîyar kir ku dewleta tirk bi riyên dizî û veşartî midaxeleyî Kerkûkê bike.

Divê Kurd bi hêzekî mezin kar bikin û medyaya Kurdî jî beralî kirina gel û ragihandina xebatan xurtî pêk bîne

Divê Kurd xwe xebatên xwe yên protesto,kampanya,meş,konferans,dîplomasîya ragihandinê zêde bikin.

Herî parekî mezin jî ser milên rexistinên Kurdan dikeve.Divê rexistin û partîyên Kurd,bi daxûyanî,bi organîze kirina meş,konferans,panel,kampanya,komkirina îmze,ragihandina e-maîl û nameyan bo dezgehên navneteweyî,bi dîplomasÎya bi rayedarên Ewrûpî û Emerîkî re piştgirîya rizgarî Kerkûkê bidin.

Di vê pêvajoyê de di beralî kirina bo wan xebatan û ragihandin û agahdar kirinê de bareke mezin jî dikeve ser hemû medyaya kurdî.

Tirkmenên Kerkûkê Dibêjin:"Bila Dewleta Tirk Bo Planên Xwe Navê Tirkmenan Bikarneyîne"

Serokê Gruba Tirkmenan a Parlamentoya Kurdistana azad Kerxî Altiparmak, li hemberî civînên li Tirkiyeyê ku li ser Kerkûk û tirkmenan tên lidarxistin û daxuyaniyên rayedarên Tirkiyeyê nerazîbûn nîşan da bû û destnîşan kiri bû ku li Herêma Kurdistana Federal pirsgirêka tirkmenan nîn e.

Armanca rastî ya oprasyoneke muxtemel ne PKK ye

Tirkîye li pêy têkdana serketina Kurdan a li Kerkûkê û bi giştî Dewleta Federe ya Kurdistanêye. Tirkîye wek 15 salên dawî dixwaze Dewleta Federe ya Kurdistanê-başûr têk bibe.Ji bo pêkanîna vê armancê jî bi taybetî arteşa Tirk û hêzên tarî li pêy planên qirêj de ne û wek berê jî lîstikên klasîk amade dikin û bi hinceta PKK û “teror”ê dixwazin êrîşî Kurdistana Azad bikin.Ji bo pêkanîna vê armancê li bakûrê Kurdistanê jî zexta ser gel tê zêde kirin.

Pêwîste Kurd nêzî hev bibin û stratejîyeke neteweyî,mayînde û pêşketî pêkbînin.Divê hemû gelê Kurd bi yekrezî tevbigerin da ku planên Tirkan pûç were derxistin.Di salên dawî de wekî hemû karesat û êrîşên mezin Kurdan nêzî hevûdin kir.Di vê pêvajoyê de jî Kurd divê nêzîkî hev bibin û hişmendîya Kurdeyatî bilind bikin.

Bi xwedî derketina Kerkûkê û Dewleta Federe ya Kurdistanê û bi serkeftî pêkhatina prosesa serxwebûna vê dewletê,parastina ziman,çand û hunera Kurdî pêkanîna yekrezîyê di nav rêxistinên Kurd e û bi baş bikaranîna amûrên ragihandinên Kurdî ên heyî dewleta Tirk wê êdî heta dawîyê têbigehêje ku ser neteweya Kurd wekî berê bi hêsanî naye tecawiz kirin.

Helwesta DTP'yîyan Watedar e

Serokê Partiya Civaka Demokratîk yê Şaxê Amedê Hilmi Aydogdu ku di daxûyanîke xwe de dîyar kiribû ku "êrişek li dijî Kerkûkê were bikaranîn, li ba dilê me wek erişekî li dijî Amedê hatibe bikaranîn e" îro ji alîyê hêzên dewleta Tirk ve hate girtin.

Aydogdu, îro beşdarê konferansa ku ji aliyê Saziya Parêzeran ya Amedê ve hatibû lidarxistin, bû. Hatiye ragihandin ku Hilmi Aydogdu, li ser fermana Serdozdariya Komarê ya Amedê, ji aliyê polîs Tirk ve li salona kanferansê hatiye biçavkirin.

Aydogdu bi îdîaya 'gel tahrîkî kîn û dijminahiyê kiriye' hate girtin.

Piştî gotinên Aydogdu di medyaya Tirkan de kampanyaya lînç kirinê destpêkiri bû.

Çend roje ku di weşanên Tirkan de li dijî gotinên Aydogan şîroveyên cur bi cur hatin weşandin.

Piştî girtina Aydogdu li Diyarbekîrê serokên şaredarîyên Amedê li gel girseyekî rêvebirên DTP yî girtina Aydogdu bi tundî şermezar kirin.Piştî daxûyanîyan girse bi sloganan helwesta êrîşkar ya dewleta Tirk protesto kirin.

Piştî girtina Aydogdu gellek rexistinên Kurd wek KADEP-Şerfettîn Elçî,HAK-PAR,KOMKAR, piştgirîya xwe bo aydogdu dîyar kirin.

HAK-PAR jî gotibû;"Kerkûk bajarê Kurdan e"

Partiya HAK-PAR çend hefte berê bi daxûyanîyeke de, daxwaz ji parlementerên kurd yên di meclîsa Tirkiye de kiri bûn ku ku tevlî ew civîna veşartî ya parlementoya Tirkiye nebin.Derbarê vê yekê de roja duşemê nezikê 100 endamên partiyê li taxakî bajarê Diyabekirê dirûşmên "Kerkûk bajarekî Kurdistanê ye"û "Kurdistan bê Kerkûk nabe"ve li hev civiyan .

Di daxûyanîya HAK-PARê de de jî balkişandin ku "Kerkûk bajarekî Kurdistanê ye û Kurdên li Herêma Kurdistanê jî wek birayekî xwe dizanin".Wekî meha nîsan û tîrmehê ya 2006 bi hinceta PKK tê xwestin ku derbasî ser axa Kurdistana azad bê kirin.Dewleta Tirk di her firesendê de bo pêk anîna armanca xwe ya qirêj hewl dide.

Helwesta Ocalan Ji Helwesta Dewleta Tirk Ne Cewaz e

Piştî daxûyanîyên DTPyîyan û nêzî hev bûna polîtîkayên Kurdan daxûyanîyên dawîn yê A.Ocalan bi gotinên "Tesîra KADEP Û HAK-PAR bo Tirkîye zerar e û ev yek dê rê li ber kurdên wekî Şerefedîn Elçî û Sertaç Bucakî veke û daxwaza federalîzmê ji bo bakurê Kurdistanê dê xurttir bibe. " ku dijî nêzk bûna neteweyî ya Kurdan derket balkêş bû.

Dewleta Tirk Ji Ber Yekbûna Kurdan Eciz e

Dewleta Tirk li dijî helwesta Kurdên Bakûr dîn û har bûye. Ecizîya wan herî zêde jî ji ber tirsa yekbûna Kurdan tê.

Dewleta Tirk ditirse ku gelê kurd nêzî hev bibe û naxwaze ku gelê bakûrê kurdistanê jî piştgirîya Kurdistana Azad û meseleya Kerkûkê bikin û bi vê avahî hêza Kurdan zêdetir be û polîtîkayên dewleta Tirk bi her avahî têk biçe.

Ser nasnameya Kurdeyatîya Kerkûkê zêdekirina helwesta giştî ya neteweyî û xebatên hevbeş pir girîng e.