Hikumeta AKP Paşve Gav Avêt Lê Dijminkarîya Arteşa Tirk Berdewame - Lêkolîn,Gotar

LÊKOLÎN/GOTAR

lêgerîn >>

têkîlî >>

kunye >>

(AMED)

kurdistannetew.net > Lêkolîn > Analîz

Hikumeta AKP Paşve Gav Avêt Lê Dijminkarîya Arteşa Tirk Berdewame

KURDISTAN-NETEW

Weşandin:21 Sibat 2007

Serok wezîrê hikumeta tirk û serokê AKP Recep Teyyîp Erdogan jî dev ji tehdîtên xwe ser kurdistana azad berda û behsa dîyalogê kir.Di alîyekî din de jî serfermandarê arteşa Tirk di axaftineke xwe ya di serdana xwe ya li DYE de bi tundî û veşartî tehdîtan li Kurdan kir û dîyaloga bi Kurdan red kir.

Piştî kordînatorê PKK Edîp Başer ku got em amade ne bi rêvebİrên Kurd re bikevin danûstandinê serokwezîrê hikumeta tirk û serokê AKP Recep Teyyîp Erdogan jî dev ji tehdîtên xwe ser kurdistana azad berda û behsa dîyalogê kir.

Her wiha di demên dawî de rêvebirên din yê AKPyî wek wezîrê derve ya dewleta Tirk Ebdullah gul jÎ hin daxûyanîyên nerm derbarê Kurdistana a Federal û meseleya Kerkûk û çareser kirina keşeya PKK de weşandin.

Di alîyekî din de jî serfermandarê arteşa tirk di axaftineke xwe ya di serdana xwe ya li DYE de bi tundî û veşartî tehdîtan li Kurdan kir û dîyaloga bi Kurdan red kir.Ser vê yekê kooordînatorê PKK esl-leşker Edîp Başer jî paş ve gav avêt û got "gotinên min şaş hate têgihêştin".

Her wiha serkomarê dewleta Tirk ku bi dijminkarîya xwe ya li hember Kurdan tê nasîn jî nerazîbûna xwe berambarî danûstandinên navbera dewleta Tirk û Kurdistana Federal dîyar kir.

Wek tê zanîn Serokomarê Tirkîye Ehmed Necdet Sezer naxwesti bû ku ku Celal Talabanî ji ber ku Kurde bo Tirkîye bê vexwendin.Dilsarîya Ehmed Necded Sezer ji ber Kurd bûna Celal Talabanî û pêşketininên li Kurdistana azad tê.

Abdullah Gul:" Siyasetmedar erkên xwe pêk bînin pêwîst nake leşker çek bi kar bîne

Wezîrê derve yê Tirkiye Abdullah Gul berî ku biçe Erebistana Sudiyê, li ser daxuyaniyê vê dawiyê yê serokwezîrê Tirkiye yê li ser peywendîgirêdana li gel hikûmeta herêma Kurdistanê, axivî.

Gul dijÎ li helwesta leşkeran derket û dÎyar kir ku ger siyasetmedar karên xwe pêk bînin pêwîst nake leşker çekan bi kar bîne û got:" Babetên siyasî û babetên leşkerî ji hev cihê ne. Leşker bi çekê xwe diaxife. Babetên siyasî bi siyasetê,babatên dîplomatîk bi dîplomasiyê tên çareserkirin."

"Ednan Muftî:"Daxuyaniya Erdogan dê bandoreke pozîtîf li peywendiyên navbera pêkhateyên Kerkûkê bike"

Piştî daxuyaniya serokwezîrê Tirkiye Tayîb Erdogan ku tê de amadeyiya hikûmeta xwe diyar kir bo têkîlîdanan li gel hikûmeta Kurdistan Ednan Muftî daxuyaniya xwe de rewşê wiha nirxand ku di demeke baş de hat bo xizmetkirina berjewendiyên hevbeş û got:" Em bi germî pêşwazî li vê daxuyaniya Erdogan dikin." Muftî ragihand ku li vir jî amadeyî heye bo gotûbêjkirin û baştirkirina peywendiyên hikûmeta Kurdistanê û hikûmeta Tirkiye.

Li ser pirsa gelo ew daxuyanî dê bandoreke bi ser dosyeya Kerkûkê bike birêz Muftî got:" Bi ya min ev gav dê xizmeta gelê Iraqê jî bike bi giştî û bi taybetî jî di Kerkûkê de dê bandoreke pozîtîf bi ser peywendiyên navbera pêkhateyên Kerkûkê bike."

Serokê Kurdistanê :"Ger dewleta Tirk sînorê Kurdistanê derbas bike divê dûmahîka vê yekê jî baş bifikirin"

Serokê Kurdistanê Mesud Barzanî li ser di hevpeyvîna xwe ya bi rojnameya Le Monde de helwesta Tirkiyê de dîtinên xwe anî zimên. Serokê Kurdistanê, derbarê helwesta Tirkiyê wiha got: Tirkiyê ne xwedî maf e ku dest dirêjî nav karê Iraqê bibe. Ez ne bawer im ku dewleta tirksînoran derbas bike. Gava biryarek wisan hebe, pêwîst e li ser dûmahîka vê biryarê baş bifikirin.

Em nikarin bixêrhatina Tirkiyê bi kulîlkan bikin. Bihayê wê çi dibe bila bibe, em mecbûr in ku qezencên xwe biparêzin.

Serokê Kurdistanê Mesûd Barzanî ji rojnameya Le monde re derbarê diyaloga bi Tirkiyê re wiha got: Rewşa diyaloga bi wan re piştî hilbijartinê dê zelaltir bibe. Dema neteweperest bên ser hikûm, bawer dike ku mecalên têkiliyê dê kêm bibe. Lê gava AKP bê ser hikûm, dikare rêya têkiliyê bi erênî bibe."

Kerkûk û referandûma 2007

Kurd dixwazin referandûmekî Kerkûkê daxîlî sînorên Kurdistan azad bikin.Dewleta Tirk û hemû dijberên Kurdan naxwazin ku referandûmek bê saz kirin.Ji ber ku ew jî dizanin ger referandûm were kirin wê Kurdan biserkevin.Her wiha ji heman sedeman dijî pêkanîna madeya 140 ê ne ku bi vê madeyê Kurdên ku ji Kerkûkê hatine derxistin paş ve bê vergerandin.

Dewleta Tirk îdda dike ku bi çêkirina referandûmê wê li Iraqê tundî gurtir be.Lê dewleta Tirk ev yekê eşkere nake ku wê tundkarîyê bixwe derxîne holê.Her wiha dîsa lawaz kirina desthilatdarîya Kurdistana azad daxwazîya hemû dijberên Kurdan e.

Serokwezîrê Tirk R.T. Erdogan ku sala par pirsgirêka Kurd pejirandi bû niha ji ber lîstikên xwe yên sîyasî yên qirêj û careke din serketina di hilbijartinan de dikare ku bi dijberên kurdan re hevkarîyê bike û beramberî Kurdistana azad êrîşek bidin destpêkirin.

Lê arteşa Tirk wekî di her mijarê bi têkîldarê Kurdan wisa xuya ye ku dîsa dev ji dijminkarî û êrîşkarîyên xwe ber nedin.